Hindiston shimolidagi Uttar-Pradesh shtatida ikki qavatli turar joy binosining qulashi oqibatida kamida yetti kishi halok bo‘ldi, 15 kishi turli darajadagi tan jarohatlarini oldi, deb xabar beradi “RIA Novosti”.

Foto: ANI

Baxtsiz hodisa Mau okrugida, uyda yashovchilar uxlayotgan paytda yuz bergan.

Dastlabki ma’lumotlarga ko‘ra, uyning qulashiga xonadonlardan birida gaz balloni portlashi sabab bo‘lgan.

Hozirda hodisa joyida qidiruv-qutqaruv operatsiyasi olib borilmoqda. Shoshilinch xizmatlarning taxmin qilishicha, vayronalar ostida haligacha tirik insonlar bo‘lishi mumkin. Politsiya hodisa sabablarini o‘rganmoqda.

NDTV telekanali fojia qurbonlari soni 10 nafarga yetganini ma’lum qilmoqda.