Xusiylar Saudiyaning bir necha ming askar va zobitini asirga olganini ma’lum qildi
Yaman xusiylari Saudiya Arabistonining bir necha ming askar va zobitini asirga oldi. Bu haqda xusiylar generali Yahyo Sari isyonchilar telekanali efirida ma’lum qildi, deya xabar beradi “RIA Novosti”.
“Najran yo‘nalishidagi ‘G‘alaba Allohdan’ deb nomlangan, tajovuz boshlanganidan beri eng yirik va va bir necha oy davom etgan harbiy operatsiya. Uning natijasida uchta brigada to‘liq tor-mor etildi, yuzlab transport va zirhli texnika qo‘lga kiritildi. Dushman kuchlarining minglab harbiy xizmatchisi asir olindi. Ular orasida qo‘mondonlik tarkibi vakillari, Saudiya armiyasi zobit va askarlari bor”, — dedi Sari.
Mavzuga doir: Isyonchi xusiylar Dubay va Abu-Dabidagi osmono‘par binolarga hujum qilish niyatida ekanligini bildirdi
Eslatib o‘tamiz, xusiylar sentabr oyi o‘rtasida xusiylar Saudiyadagi ikki neftni qayta ishlash zavodiga o‘nlab dronlar yordamida uyushtirilgan hujum uchun javobgarlikni zimmasiga olgandi.
