Dunyo muhojirlarining soni 272 millionga yetdi

BMT iqtisodiy va ijtimoiy masalalari bo‘yicha departamenti xabariga ko‘ra, joriy yilda dunyo bo‘yicha xalqaro muhojirlar soni 51 millionga ko‘paydi va 272 million nafarga yetdi. Hozirda migrantlar dunyo aholisining 3,5 foizini tashkil qiladi, deb yozmoqda “Kommersant”.

Departament ma’lumotlariga ko‘ra, muhojirlarning asosiy qismi (82 mln) Yevropada, Shimoliy Amerika (59 mln), Shimoliy Afrika va G‘arbiy Osiyoda (49 mln) yashaydi. Ma’lumotda AQShning dunyo bo‘yicha eng ko‘p muhojirlarni qabul qilishi (51 mln) va bu 19 foizga teng ekanligi qayd etilgan.

Muhojirlarni qabul qiluvchi eng asosiy mamlakatlar qatoriga quyidagi davlatlar kirgan:

AQSh — 51 mln;

Germaniya — 13 mln;

Saudiya Arabistoni — 13 mln;

Rossiya — 12 mln;

Buyuk Britaniya — 10 mln;

BAA — 9 mln;

Fransiya — 8 mln;

Kanada — 8 mln;

Avstraliya — 8 mln;

Italiya — 8 mln.

Departament hisob-kitoblariga ko‘ra, muhojirlarning 18 millioni Hindiston, 12 millioni Meksika, 11 millioni Xitoy, 10 millioni Rossiya va 8 million nafari esa Suriya davlatiga to‘g‘ri keladi.