Yaponiyada bir hafta davomidagi jazirama oqibatida 23 kishi vafot etdi, shuningdek, 13 mingga yaqin aholi issiqlik urishidan kasalxonaga yotqizildi, deya xabar berdi “TASS”.

Foto: Global Look Press

Qayd etilishicha, so‘nggi haftada butun Yaponiyada issiqlik urishidan umumiy hisobda  12751 nafar odam kasalxonaga yotqizilgan. Jazirama issiq butun Yaponiya hududida kuzatilgan bo‘lib, hozirda ayrim joylarda havo harorati 39 darajagacha issiq bo‘lmoqda.

Vafot etganlarning aksariyati keksa yoshdagi kishilar ekanligi aytilmoqda.

Avvalroq Yaponiya uchun rekord darajada issiq hisoblangan jazirama oqibatida 57 kishi vafot etgani, 20 ming nafari kasalxonaga yotqizilgani ma’lum qilingan edi.