O‘zbekiston Energetika vazirligi “aqlli” hisoblagichlar bilan bog‘liq muammolar mutaxassislar tomonidan hal etilishini ma’lum qildi.

Foto: Energetika vazirligi

“Ko‘pincha yangiliklarni odamlar salbiy hislar bilan kutib oladi — bu jarayonda e’tiroz va tushunmovchiliklar ham kuzatiladi.

Buning sababi — odatiy tushunmovchiliklar ekanligi ayon. Shu boisdan ‘aqlli’ hisoblagichlar ham ko‘plab savollar tug‘ilishiga sabab bo‘ldi. Negaki bugungi kunda uylar elektr asboblari va energiya tejovchi lampalar bilan to‘lib ketganki, ular elektr energiyasini tejashga yordam bersa-da, ko‘pchilik amalda buning aksiga ro‘para kelmoqda. Har bir savol va e’tirozga tushuntirish berib, hisoblagichingiz ortiqcha yozayotganiga ishonchingiz komil bo‘lganda qanday yo‘l tutish lozimligi haqida batafsil yo‘l-yo‘riq ko‘rsatamiz. Biz hozirda zudlik bilan hal etilishi kerak bo‘lgan muammolarni bartaraf etishga kirishganmiz. Sizlardan ham ularni hal etilishiga konstruktiv yondashishni so‘raymiz!”— deyiladi vazirlik xabarida.

Foto: Energetika vazirligi

Foto: Energetika vazirligi

Foto: Energetika vazirligi

Foto: Energetika vazirligi

Elektr energiyasi iste’moli sarfini hisobga olish va nazorat qilishning avtomatlashtirilgan tizimiga o‘tish butun mamlakat bo‘ylab amalga oshirilmoqda. Yangi billing tizimiga jadal o‘tish, kvartiralardagi panelga hisoblagichlar o‘rnatilishi ko‘plab savollarni keltirib chiqardi. Bunday holatlar SMS orqali kelib tushadigan balans ma’lumotlaridan boshlanib, elektr bo‘yicha haq to‘lash borasida o‘sib borayotgan e’tirozlar bilan to‘xtaydi.

Quyidagilar alohida ta’kidlanadi:

Elektr energiyasini hisobga olish uchun billing tizimi takomillashtirilmoqda, SMS orqali keladigan balansni tekshirish ma’lumotlari va hisoblagichlarning haqiqiy ko‘rsatkichlari yil davomida albatta sinxronlashtiriladi.

Kuz oylarining boshida Energetika vazirligining ko‘p kanalli yagona call-markazi ishga tushiriladi, u orqali murojaat etuvchilar muammo haqida xabar berish va tezkorlik bilan uni hal etilishi imkoniga ega bo‘ladi.

“Hozirda call-markaz faoliyati yo‘lga qo‘yilmaganligi sababli, savollaringizni va shaxsiy murojaatlaringizni O‘zbekiston Respublikasi Energetika vazirligining sahifasida qoldirishingizni, “Hududiy elektr tarmoqlari” AJga 71-233-01-28 telefon raqami bo‘yicha va uning Telegramm’dagi “Hududiyelektrtarmoqlari” AJ bilan muloqot” kanaliga yuborishingizni so‘raymiz.

‘HET’ AJ mutaxassislari kuchaytirilgan tartibda ishlamoqda va oxirgi vaqtda 300 ta murojaat (ularning katta qismi ijtimoiy tarmoqlar orqali olingan) kelib tushgan bo‘lib, ulardan 40 ga yaqini o‘rganib chiqildi. O‘z navbatida alohida qayd etish kerakki, murojaatlarni o‘rganish jarayonida bironta hisoblagichda nosozlik holati aniqlanmadi. Bunga har bir iste’molchi o‘zi amin bo‘lishi mumkin. Afsuski, ‘Potrebitel.uz’ guruhida yolg‘on ma’lumotlar tarqatilishi holatlari ham kuzatildi. Xususan, Jurat Rahimov nomi ostidagi iste’molchi ‘Ilgari 300 kVt sarf etardik, hozirda kamida 800 kVt bo‘lyapti (manzil va telefon)’, — degan mazmunda sharh qoldirgan.

Aslida esa uning xonadoniga hatto elektr energiyasini hisobga oluvchi yangi hisoblagich o‘rnatilmagani ma’lum bo‘ldi. Shuni ham qayd etishni istardikki, ijtimoiy tarmoqlarda buyurtma qoldirgan 6 nafar iste’molchi hisobga olishni joyda o‘rganish bo‘yicha tekshiruvlarda ko‘ngilli sifatida ishtirok etishdan bosh tortdi.

Alohida qayd etish kerakki, yangi hisoblagichlar ‘O‘zstandart’ tomonidan 10 yilda bir marta (har 4 yilda tekshiruvdan o‘tkazilgan eskilaridan farqli ravishda) tekshiruvdan o‘tkaziladi.

Ammo! Siz mustaqil tarzda hisoblagichni ‘O‘zstandart’ tekshiruvidan o‘tkazmoqchi bo‘lsangiz, elektr energiyasi ta’minoti korxonasiga yozma tarzda murojaat etishingiz mumkin va mutaxassislar hisoblagichni yechib olib, qo‘lingizga tutqazadi. Shundan so‘ng siz ‘O‘zstandart’ning o‘zingizga qulay bo‘limiga murojaat etishingiz mumkin. Agar meteorologik ekspertiza hisoblagich noto‘g‘ri ishlayotganini tasdiqlasa, ekspertiza natijalarini elektr energiyasi ta’minoti korxonasiga taqdim etasiz va ular qayta hisob-kitob qilib, ekspertiza uchun to‘lagan pulingizni ham qaytarib beradi.

Biz uchun elektr energiyasi iste’molchilari bilan ma’lumot almashish muhim ahamiyatga ega bo‘lib, hisoblagichlarning ishlashi bo‘yicha batafsil tushuntirishlar beriladi. Bizning mutaxassislar joylarga chiqqan holda har bir iste’molchiga yangi hisoblagichlarning o‘ziga xos xususiyatlari haqida batafsil tushuntirish berib, mumkin qadar ko‘proq foydali ma’lumotga ega bo‘lishlaringizga harakat qiladi”, — deyiladi xabarda.

Qayd etilishicha, hisobning joriy holati haqida ma’lumot olish uchun, qo‘l telefoningiz raqamini tuman elektr tarmoqlari korxonasiga taqdim etib, 2100 qisqa raqamiga ‘D’ harfini yuborish kifoya. Elektr tarmog‘idan qarzni qoplash uchun uzib qo‘yilgan holatlarda elektr energiyasi ta’minotini tiklash qarz to‘langandan so‘ng boshqa ortiqcha to‘lovlarsiz yarim soat ichida amalga oshiriladi.

“Quyida ‘HET’ AJ mutaxassislari tomonidan bevosita joylarga chiqib, iste’molchilarimizning hisoblagichlari o‘rnatilgan panellarda amalga oshirgan ayrim ishlarning natijalari e’tiborga havola etilmoqda.

E’tibor bering: iste’molchilardan biri tuman elektr tarmoqlari korxonasiga bormasdan bevosita masofadan turib murojaat qilgan va u hal etildi.

‘Potrebitel.uz’, guruhidagi materialning davomini havola orqali o‘qish mumkin. Foydalanuvchi o‘z muammosi va u bizning mutaxassislar tomonidan hal etilganini batafsil hikoya qilgan.

Va yana noto‘g‘ri demontaj qilinganlik hamda u tezkorlik bilan hal etilgani to‘g‘risidagi ma’lumotlar. Ta’kidlab o‘tamiz: elektr energiyasining har bir foydalanuvchisi o‘z hisoblagichining nuqsonsiz ishlayotganini tekshirib ko‘rish huquqiga ega. Va vazirlik bu borada yordam ko‘rsatishga tayyor.

Yangi hisoblagichlar — haqiqatan aqlli, ular o‘zida sizning elektr energiyasidan foydalanish borasidagi barcha ma’lumotlaringizni o‘zida saqlaydi hamda aniq raqamlarni taqdim etib, o‘z hisobingizni nazorat qilib borish imkonini beradi.

“Biz barchamiz, mamlakatning har bir aholisi — elektr energiyasi iste’molchilarimiz hamda muammolarni to‘liq bartaraf etish harakatidamiz!

Biz murojaatlar uchun ochiqmiz va ularni hal etishga, yordam ko‘rsatishga tayyormiz.

Shuningdek, muammo haqida xabar beruvchilar bilan hamkorlikda joylarda dalolatnoma tuzilishini ham ta’minlaymiz”, — deyiladi vazirlik xabarida.