IIBB haydovchilarni “tonirovka” masalasida shoshmaslikka chaqirdi

Tarmoqda ayrim shaxslar avtomobil oynalarini qoraytirish bo‘yicha xizmat ko‘rsatishlarini bildirib, haydovchilarga ushbu xizmatni taklif qilayotganliklari to‘g‘risidagi xabarlar soni ortib bormoqda. Bu haqda IIBB matbuot xizmati ma’lum qildi.

Shu munosabat bilan IIBB tegishli qaror kuchga kirgani to‘g‘risida ma’lumot e’lon qilinguniga qadar shoshmaslikni so‘ragan.

“Eslatib o‘tamiz, oynalarning tusini o‘zgartirish uchun IIV YHXBB vakillaridan tegishli ruxsat va plyonka olinishi zarur.

Amaldagi qonunichilikni buzgan shaxslar Ma’muriy javobgarlik to‘g‘risidagi kodeksning 126-moddasiga muvofiq javobgarlikka tortiladi”, deyiladi xabarda