2019-yil 15-avgustdan isitish tizimi va issiq suv ta’minoti uchun tariflar oshadi. Bu haqda “Toshissiqquvvati” DUK ma’lum qilgan.
Aholi uchun markaziy isitish tizimiga bir oylik tarif turar-joy kvadrat metri uchun 1 772 so‘mgacha oshiriladi (hozirda 1 610,99 so‘m).
Issiq suv ta’minoti uchun yangi tarif hisoblagichsiz kishi boshiga 20 470 so‘mni tashkil etadi (hozirda 18 609,24 so‘m), hisoblagich bo‘lganda issiq suv ta’minoti kubometriga 5 242 so‘mga (hozir 4 765,20 so‘m) teng bo‘ladi.
Umumiy yuvinish xonasi bo‘lgan yotoqxonalarda yashovchilar uchun issiq suv narxi kishi boshiga bir oyda 15 228 so‘mni (hozirda 13 843,47 so‘m) tashkil etadi.
Shuningdek, 15-avgustdan boshlab yetkazib berilayotgan issiq energiyasining ulgurji narxi QQSni hisobga olmaganda bir Gkal uchun 106 500 so‘m, QQS bilan qo‘shilgan holda 127 800 so‘mni tashkil etadi.
Izoh (0)