Bugun,

  • USD 11014.01
  • RUB 191.8
  • EUR 10674.78

Urganch garnizonidagi safarbarlik chaqiruvi rezervi batalyonida  muaytay sport turi bo‘yicha jahon chempioni Azizbek Madaminov bir oylik harbiy xizmatni o‘tamoqda. Bu haqda Shimoli-g‘arbiy harbiy okrugi matbuot xizmati xabar beradi.

Foto: Shimoli-g‘arbiy harbiy okrug

Foto: Shimoli-g‘arbiy harbiy okrug

Azizbek 2000-yili Urganchda tug‘ilgan. 10 yoshidan buyon akasi Fazliddin Madaminov va jahon chempioni Ilhomjon Rustamov murabbiyligida muay-tay bilan shug‘ullanib keladi.

Shu yillar davomida Azizbek ko‘plab yutuqlarga erishdi. U 2010-yili Toshkentda bo‘lib o‘tgan yoshlar o‘rtasidagi muay-tay chempionatida bronza medali bilan taqdirlandi. Bu uning ilk yutug‘i bo‘ladi. 2015-yil respublika kubogida qatnashib, faxrli 1-o‘rinni egallagan bo‘lsa, 2018—2019-yillarda 71-75 kg vazn toifasida g‘oliblik shohsupasida birinchilikni qo‘ldan boy bermay kelmoqda. 2016-yil Azizbek hayotida zarhal harflar bilan muhrlangan voqea sodir bo‘ldi: u Tailand poytaxti Bangkok shahrida bo‘lib o‘tgan jahon chempionatida hamma raqiblaridan ustun kelib, muvaffaqiyat qozondi va yoshlar o‘rtasida jahon chempioniga aylandi.

Azizbek 2015-yildan buyon O‘zbekiston terma jamoasi a’zosi. Joriy yilning iyun oyida Azizbekka muay-tay sport turi bo‘yicha sport ustasi razryadi berildi.

Armiya safida harbiy xizmatni o‘tayotgan xizmatchi A. Madaminov nafaqat xizmatdoshlariga, balki butun O‘zbekiston yoshlariga namuna bo‘lmoqda. Yosh bo‘lishiga qaramasdan u erishgan yutuqlariga havas qilsa arziydi. Batalyonda jahon chempioni ishtirokidagi mahorat darslarining uyushtirilishi esa shaxsiy tarkibning sportga bo‘lgan qiziqishlarini oshirishda xizmat qilmoqda. Ertalabki badantarbiya mashqlari ham yosh muay-tay ustasi murabbiyligida o‘tkaziladi.

Umidli sportchi shu yili kollejni tamomlab, Urganch davlat universitetining jismoniy tarbiya yo‘nalishiga hujjatlarni topshirdi. Azizbekning niyati kelgusida huquqni himoya qilish organlarida yurtimizga xizmat qilishdir. Shu bilan birga u muay-tay bo‘yicha kelgusida o‘tkaziladigan jahon va qit’a musobaqalarida O‘zbekiston bayrog‘ini yuksaklarga ko‘tarib, o‘zbek sporti rivojiga hissa qo‘shishni maqsad qilib kelmoqda. Ayni paytda jahon chempioni Azizbek Madaminov sentabr oyida Turkiya davlatida bo‘lib o‘tadigan muay-tay bo‘yicha jahon chempionatiga tayyorgarlik ko‘rmoqda.

Izoh
Asosiy yangiliklar
Dunyo
Rim papasi Putin va Zelenskiyga murojaat yo‘lladi
Sport
APL. “Manchester Siti” 9 ta gol urilgan derbida “Manchester Yunayted”ni tor-mor etdi. Holand va Fodendan het-trik
Sport
Superliga. “Nasaf” Toshkentda “Paxtakor”ni mag‘lub etib, yakka peshqadamga aylandi