26-iyul, juma kuni futbol bo‘yicha O‘zbekiston Superligasining 14-turi doirasida navbatdagi ikkita uchrashuv o‘z yakuniga yetdi.
Samvel Babayan qo‘l ostiga o‘tgan Toshkentning “Lokomotiv” klubi Jizzaxning “So‘g‘diyona” jamoasi maydoniga safar qildi.
O‘yindagi yagona gol 90-daqiqada urildi. Unga Jizzax klubi hujumchisi Shohruz Norxonov mualliflik qildi.
Shu tariqa “temiryo‘lchilar” mehmonda “So‘g‘diyona”ga imkoniyatni boy berib qo‘ydi.
Mazkur bahsdan so‘ng “So‘g‘diyona” 20 ochko bilan 7-pog‘onaga ko‘tarilib olgan bo‘lsa, 2-o‘rinda borayotgan “Lokomotiv” hisobida 27 ochko mavjud.
Shu kuni Shota Arveladze boshqaruvidagi Toshkentning boshqa bir jamoasi “Paxtakor” o‘z uyida “Qo‘qon-1912”ni sinovdan o‘tkazdi.
Uchrashuv davomida “sherlar” vakillari Jaloliddin Masharipov (22), Dragan Cheran (48) va Marko Simichning (51) gollariga qo‘qonliklar yarim himoyachi Muhammadanas Hasanovning 77-daqiqada urgan goli bilan javob qaytardi.
Natijada “Paxtakor” “Qo‘qon-1912”ni 3:1 hisobida mag‘lub etdi va 3 ochkoga ega bo‘ldi.
Ushbu g‘alabadan so‘ng musobaqada yetakchilik qilayotgan toshkentliklar ochkolari sonini 38 taga yetkazib oldi. Qo‘qonliklar esa 8 ochko bilan so‘nggi o‘rinda bormoqda.
Coca-Cola Superligasi
14-tur bahslari
26-iyul, juma kuni
“So‘g‘diyona”—“Lokomotiv” 1:0
Gol: 1:0 — 90 Shohruz Norxonov“So‘g‘diyona”: Milan Mitrovich, Sardor Qulmatov, Iskandar Shoyqulov, Elyor Orifov, Kaxi Maxaradze, Shohruz Norxonov, Jamshid Boltaboyev (Sanjar Rashidov, 64), Jasur Hasanov, Ivan Nagayev (Izzat Abdullayev, 70), Nikola Milinkovich, Shahboz Jo‘rabekov (Sherzod Fayziyev, 50)
“Lokomotiv”: Javohir Ilyosov, Anzur Ismoilov, Jamshid Iskanderov, Sardor Mirzayev, Temurxo‘ja Abduxoliqov (Diyorjon Turopov, 72), Islom To‘xtaxo‘jayev, Javohir Esonqulov (Arslanmirat Amanov, 46), Yovan Jokich (Oston O‘runov, 73), Davronbek Hoshimov, Oleg Zoteyev, Igor Yelich
Ogohlantirishlar: Iskandar Shoyqulov (41), Elyor Orifov (45+2), Sardor Mirzayev (55),
“Paxtakor”—“Qo‘qon-1912” 3:1
Gollar: 1:0 — 22 Jaloliddin Masharipov, 2:0 — 48 Dragan Cheran, 3:0 — 51 Marko Simich, 3:1 — 77 Muhammadanas Hasanov“Paxtakor”: Eldorbek Suyunov, Hojiakbar Alijonov, Jaloliddin Masharipov, Dragan Cheran, Igor Sergeyev (Bobur Asqarov, 87), Odiljon Hamrobekov (Sadriddin Abdullayev, 72), Marat Bikmayev (Doston Hamdamov, 61), Sherzod A’zamov, Sardor Sobirxo‘jayev, Farrux Sayfiyev, Marko Simich
“Qo‘qon-1912”: Islom Abdullayev, Jamshid Hasanov, Quvondiq Ro‘ziyev, Avaz Mamatxo‘jayev, Oybek Rustamov, Suhrob Berdiyev (Muhammadanas Hasanov, 76), Iqbol Malikjonov, Shahboz Erkinov (Hamidullo Abduhamidov, 87), Aleksandr Merzlyakov, Marko Milich, Murod Xolmuhammedov
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)