Farg‘ona viloyatida 2019-yilning mart-iyul oylarida Prezident Administratsiyasi mas’ul xodimlari, Bosh prokuratura, Oliy sud, Bandlik va mehnat munosabatlari, IIV rahbar va o‘rinbosarlari, Bosh prokuraturasi huzuridagi MIB direktori o‘rinbosari, shuningdek, hududiy sektor rahbarlari, viloyat, shahar va tuman davlat idoralari rahbar xodimlari ishtirokida ommaviy sayyor qabullar tashkil etildi.

Foto: Farg‘ona viloyati Prezident xalq qabulxonasi matbuot xizmati

Farg‘ona viloyati Prezident xalq qabulxonasining “Daryo”ga ma’lum qilishicha, sayyor qabullarda jami 15021 nafar fuqaro qabul qilindi, ulardan 15951 ta masala bo‘yicha murojaat kelib tushdi.

Ushbu qabullar natijalarini sohalar kesimida qaralganda, eng ko‘p murojaatlar mehnat va aholi bandligi masalalariga oid 1034 ta, uy-joy va yer ajratish masalalari bo‘yicha 1089 ta, gaz, elektr va suv ta’minotini yaxshilash bo‘yicha 1163 ta, moddiy yordam ajratish masalalari bo‘yicha 1034 ta, kommunal to‘lovlar bo‘yicha 904 ta, sog‘liqni saqlash bo‘yicha 755 ta, sud-huquq masalalariga oid 684 ta, kredit ajratish masalalari 694 ta kelib tushgan.

Ushbu qabullar jarayonida muammolarning 8486 tasi (58,1 foizi) ijobiy hal etilgan. Qo‘shimcha o‘rganish talab etiladigan 1459 ta (8,3%) murojaatning ko‘rib chiqilishi nazoratga olingan. 6006 tasi (33,6 foiz) bo‘yicha asoslantirilgan huquqiy tushuntirish berilgan.

Sayyor qabullar sabab 75 nafarga yaqin mahkum shartli ravishda bo‘lsa-da, ozod etilgan, uy-joyi buzilgan fuqarolarga konpensatsiya to‘lab berilgan, yuzlab odamlar ishga joylashtirilgan, sog‘lig‘ini tiklashga qiynalayotganlarga davolanishi uchun order va yo‘llanmalar ajratilgan, nogironlarga aravachalar sovg‘a qilingan,

Farg‘ona viloyatining Qo‘qon va Marg‘ilon shaharlarida nogironligi bor, kam ta’minlangan, ijtimoiy himoya va uy-joyga o‘ta muhtoj fuqarolarga 123 xonadon kalitlari topshirilgan.