Bugun,

  • USD 11095.31
  • RUB 173.84
  • EUR 10772.44

29-iyun kuni atom elektr stansiyasi qurilishi uchun tanlangan Jizzax viloyatidagi Tuzkon ko‘li yaqinidagi hududda muhandislik-tadqiqot ishlarining ikkinchi bosqichini boshladi. Bu haqda “O‘zatom” agentligi axborot xizmati xabar berdi.

Foto: “O‘zatom” agentligi axborot xizmati

Foto: “O‘zatom” agentligi axborot xizmati

Shu munosabat bilan tashkil etilgan tadbirda, “O‘zatom” agentligi, “Rosatom” davlat korporatsiyasi, O‘zbekiston geoaxborot shaharsozlik davlat kadastri loyihalash ilmiy tekshirish instituti (O‘zGAShKLITI) mutaxassislari, “Atomstroyeksport” AJ vakillari, hamda Forish tumani mas’ullari va ommaviy axborot vositalari ishtirok etdi.

Foto: “O‘zatom” agentligi axborot xizmati

Foto: “O‘zatom” agentligi axborot xizmati

O‘zbekistonda atom elektr stansiyasi qurilishi uchun tanlab olingan taxminiy maydonlarda muhandislik-tadqiqot ishlarining birinchi bosqichi yakunlangani haqida avvalroq xabar berilgan edi. Unda Navoiy va Buxoro viloyatlarining To‘dako‘l suv ombori yaqinidagi 4 ta, Jizzax viloyatidagi Tuzkon ko‘li atrofida joylashgan 3 ta maydonda ilmiy-tadqiqot ishlari olib borilgani va o‘rganishlar natijasida Jizzax viloyatining Tuzkon ko‘li yaqinidagi hudud atom elektr stansiyasi qurilishi uchun maqbul joy sifatida tanlangani e’lon qilindi.

Aynan mana shu atom elektr stansiyasi qurilishi uchun tanlangan hududda muhandislik tadqiqot ishlarining ikkinchi bosqichiga start berildi.

Mazkur hududda “Atomstroyeksport” AJ mutaxassislari tomonidan geofizik, seysmologik tadqiqot ishlari amalga oshiriladi. Mutaxassislar hududning geologik va geofizik tahlilini o‘rganib, ulardan olingan natijalar asosida O‘zbekistonda quriluvchi birinchi atom elektr stansiyasining texnik loyihasini ishlab chiqish ishlari davom ettiriladi.

Foto: “O‘zatom” agentligi axborot xizmati

Foto: “O‘zatom” agentligi axborot xizmati

Ta’kidlash lozimki, mazkur tadqiqot ishlari jarayoni O‘zbekiston Respublikasining tegishli vazirliklari va idoralari nazoratida bo‘lib, tadqiqot ishlarini tashkil etishda O‘zGAShKLITI ham jalb etiladi.

Ma’lumot o‘rnida, muhandislik-tadqiqot ishlari O‘zbekiston va Rossiya davlatlari o‘rtasida mamlakatimizda atom elektr stansiyasi qurish bo‘yicha hamkorlik to‘g‘risidagi kelishuv va mazkur hamkorlik doirasida tasdiqlangan “Yo‘l xaritasi” ijrosini ta’minlash yuzasidan, joriy yilning 17-may kuni “Rosatom” davlat korporatsiyasining muhandislik bo‘limiga qarashli “Atomstroyeksport” aksiyadorlik jamiyati bilan texnik loyihani ishlab chiqish uchun muhandislik-tadqiqot ishlarini olib borish bo‘yicha shartnoma imzolangan.

Izoh
Asosiy yangiliklar
Dunyo
Ukraina 2 ta aerodromga dronlar bilan zarba berishga urindi — Rossiya Mudofaa vazirligi
Mahalliy
O‘zbekistonda noyabr oyida qancha chaqaloq tug‘ilgani ma’lum bo‘ldi
Mahalliy
“Mehnati ko‘p bo‘lsa-da, maoshi kam, olgan puli halol bo‘lsin”. Jamoatchilik elektr montyorlarni olqishlamoqda