19-iyun, chorshanba kuni futbol bo‘yicha O‘zbekiston Kubogining 3-bosqich o‘yinlari boshlandi.
Vadim Abramov boshliq Toshkentning “Bunyodkor” klubi o‘z maydonida Olmaliqning “Metallurg” jamoasini qabul qildi.
Uchrashuv davomida mehmon jamoa vakili Muzaffar Muzaffarovning urgan goliga “qaldirg‘ochlar” Dilshod Ahmadaliyev (72) hamda Vadislav Nuriyevning (89) gollari bilan javob qaytardi.
Shu tariqa “Bunyodkor” “Metallurg”ni kichik hisobda mag‘lubiyatga uchratdi va keyingi bosqichga chiqdi.
Shu kuni “Andijon” klubi “Buxoro” jamoasi bilan bahsga kirishdi.
O‘yinning 23, 53 va 76-daqiqalarida andijonliklar vakili Shahzod Ubaydullayev het-trikka erishgan bo‘lsa, oradan 7 daqiqa o‘tib mehmon jamoa o‘yinchisi Jamoliddin Ubaydullayev hisobni qisqartirdi (3:1). 84-daqiqada esa Doniyor Abdumannopov hisobni yirik ko‘rinishga olib keldi (4:1).
“Andijon” “Buxoro”ni 4:1 hisobida taslim qilib, navbatdagi bosqich yo‘llanmasini qo‘lga kiritdi.
O‘zbekiston Kubogi
3-tur bahslari
19-iyun, chorshanba
“Zomin”—“Xorazm” 2:1
Gollar: 1:0 — 78 Azamat Roziqov, 2:0 — 85 Azamat Roziqov, 2:1 — 89, penalti, Sarvarbek Jumaniyozov“Bunyodkor”—“Metallurg” 2:1
Gollar: 0:1 — 36 Muzaffar Muzaffarov, 1:1 — 72 Dilshod Ahmadaliyev, 2:1 — 89 Vladislav Nuriyev“Neftchi”—“Zirabuloq” 8:0
Gollar: 1:0 — 15 Hamidullo Abduhamidov, 2:0 — 17 Hamidullo Abduhamidov, 3:0 — 44 Alisher Abduvohidov, 4:0 — 65 Hamidullo Abduhamidov, 5:0 — 76, penalti, Islombek Karimov, 6:0 — 81 Islombek Karimov, 7:0 — 85 Hamidullo Abduhamidov, 8:0 — 88 Islombek Karimov“Surxon”—“Rash-milk” 3:2
Gollar: 0:1 — 5 Muhammadkomil Nizomov, 1:1 — 21 Sherzod Hakimov, 2:1 — 45+2 Azamat Allaniyazov, 3:1 — 50 Abbosbek Maxstaliyev, 3:2 — 67 Muhammadkomil Nizomov“Andijon”—“Buxoro” 4:1
Gollar: 1:0 — 23 Shahzod Ubaydullayev, 2:0 — 53 Shahzod Ubaydullayev, 3:0 — 76 Shahzod Ubaydullayev, 3:1 — 83 Jamoliddin Ubaydullayev, 4:1 — 84 Doniyor AbdumannopovYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)