Qirg‘iziston poytaxti Bishkekda noma’lum shaxslar Eski maydonda o‘qilgan Hayit namoziga o‘tkir-sanchiluvchi predmet va travmatik to‘pponchalarni olib o‘tishga uringan. Bu haqda Sputnik xabar beradi.
Bishkek shahar IIB xabariga ko‘ra, ikki kishi qo‘lga olingan. Ular surishtiruv ishlarini o‘tkazish uchun Pervomayskiy tuman IIBga olib borilgan.
Qayd etilishicha, Bishkekdagi Hayit namozida 50 mingdan ortiq fuqaro ishtirok etgan. Jamoatchilik tartibini ta’minlash uchun ikki mingdan ziyod huquqni muhofaza qiluvchi organ xodimlari jalb qilingan.
Izoh (0)