18-may, shanba kuni futbol bo‘yicha Italiya chempionatining 37-tur bahslariga start beriladi.
Musobaqa jadvalida 6-o‘rinda borayotgan Rimning “Roma” klubi “Sassuolo”ga qarshi maydonga tushadi. Uchrashuv Toshkent vaqti bilan soat 23:30 da boshlanadi. Eslatib o‘tamiz, rimliklar 36-turda “Yuventus”ni 2:0 hisobida mag‘lubiyatga uchratgandi.
19-may, yakshanba kuni Jennaro Gattuzo qo‘l ostidagi “Milan” klubi o‘z maydonida “Frozinone”ni qabul qiladi. Bellashuv soat 21:00 da boshlanishi belgilangan. Ma’lumot uchun, “rossonerilar” avvalgi turda “Fiorentina”ni yutgandi (1:0).
Shu kuni turning markaziy o‘yinida Karlo Anchelotti boshqaruvidagi “Napoli” klubi Luchano Spaletti boshliq Milanning “Inter” jamoasi bilan kuch sinashadi. Qayd etish joiz, neapolliklar oxirgi turda SPALdan ustun kelgan bo‘lsa (2:1), “Inter” o‘z uyida kechgan bahsda “Kyevo”ni 2:0 hisobida taslim qilgandi.
Krishtianu Ronaldu yetakchiligidagi Turinning “Yuventus” klubi “Atalanta”ni sinovdan o‘tkazadi. Ikkala o‘yin ham 23:30 da start oladi. Eslatib o‘tamiz, “keksa sinyora” hisobida 89 ochko mavjud va jamoa muddatidan avval chempionlikni qo‘lga kiritgan.
A Seriya
37-tur bahslari
18-may, shanba
“Udineze”—SPAL 18:00
“Jenoa”—“Kalyari” 21:00
“Sassuolo”—“Roma” 23:30
19-may, yakshanba“Kyevo”—“Sampdoriya” 15:30
“Parma”—“Fiorentina” 18:00
“Empoli”—“Torino” 18:00
“Milan”—“Frozinone” 21:00
“Napoli”—“Inter” 23:30
“Yuventus”—“Atalanta” 23:30
20-may, dushanba“Latsio”—“Bolonya” 23:30
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)