18 май, шанба куни футбол бўйича Италия чемпионатининг 37-тур баҳсларига старт берилади.
Мусобақа жадвалида 6-ўринда бораётган Римнинг «Рома» клуби «Сассуоло»га қарши майдонга тушади. Учрашув Тошкент вақти билан соат 23:30 да бошланади. Эслатиб ўтамиз, римликлар 36-турда «Ювентус»ни 2:0 ҳисобида мағлубиятга учратганди.
19 май, якшанба куни Женнаро Гаттузо қўл остидаги «Милан» клуби ўз майдонида «Фрозиноне»ни қабул қилади. Беллашув соат 21:00 да бошланиши белгиланган. Маълумот учун, «россонерилар» аввалги турда «Фиорентина»ни ютганди (1:0).
Шу куни турнинг марказий ўйинида Карло Анчелотти бошқарувидаги «Наполи» клуби Лучано Спалетти бошлиқ Миланнинг «Интер» жамоаси билан куч синашади. Қайд этиш жоиз, неаполликлар охирги турда СПАЛдан устун келган бўлса (2:1), «Интер» ўз уйида кечган баҳсда «Кьево»ни 2:0 ҳисобида таслим қилганди.
Криштиану Роналду етакчилигидаги Туриннинг «Ювентус» клуби «Аталанта»ни синовдан ўтказади. Иккала ўйин ҳам 23:30 да старт олади. Эслатиб ўтамиз, «кекса синьора» ҳисобида 89 очко мавжуд ва жамоа муддатидан аввал чемпионликни қўлга киритган.
А Серия
37-тур баҳслари
18 май, шанба
«Удинезе»—СПАЛ 18:00
«Женоа»—«Кальяри» 21:00
«Сассуоло»—«Рома» 23:30
19 май, якшанба«Кьево»—«Сампдория» 15:30
«Парма»—«Фиорентина» 18:00
«Эмполи»—«Торино» 18:00
«Милан»—«Фрозиноне» 21:00
«Наполи»—«Интер» 23:30
«Ювентус»—«Аталанта» 23:30
20 май, душанба«Лацио»—«Болонья» 23:30
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)