Moskvadagi “Sheremetyevo” aeroportida yo‘lovchi samolyoti yonib ketdi (video)

Moskvadagi “Sheremetyevo” aeroportida Murmanskka ketayotgan SSJ-100 yo‘lovchi samolyoti avariyaviy qo‘nishni amalga oshirayotgan vaqtda yonib ketdi, deb yozadi “Gazeta.ru”.

Ta’kidlanishicha, ekipaj parvozdan keyin ko‘p o‘tmay shoshilinch qo‘nishni amalga oshirishni so‘ragan.

Yo‘lovchi samolyoti “Sheremetyevo”dan Murmanskka uchib ketgan. Biroz vaqtdan keyin u shoshilinch qo‘nish uchun ruxsat so‘ragan, qo‘nish chog‘ida yonib ketgan.

Dastlabki ma’lumotlarga ko‘ra, hodisa oqibatida kamida o‘n kishi jabrlangan.