5-may, yakshanba kuni futbol bo‘yicha Angliya Premyer Ligasining 37-turi doirasida 2 ta o‘yin yakunlandi.
Mauritsio Sarri qo‘l ostidagi Londonning “Chelsi” klubi “Stemford Brij”da “Uotford”ni sinovdan o‘tkazdi.
Uchrashuv davomida London klubi o‘yinchilari Ruben Loftus-Chik (48), David Luis (51), Gonsalo Iguain (75) urgan gollar “aristokratlar”ning g‘alabasini ta’minladi (3:0).
Mazkur g‘alabadan so‘ng londonliklar 71 ochko to‘plab, musobaqa jadvalida 3-o‘ringa ko‘tarilib oldi, “Uotford” esa 50 ochko bilan 10-o‘rinda bormoqda.
Ole-Gunnar Sulsher boshliq “Manchester Yunayted” klubi safarda “Haddersfild”ga qarshi maydonga tushdi.
Bellashuvning 8-daqiqasida Skott Maktominay hisobni ochgan bo‘lsa, 60-daqiqaga kelib mezbon jamoa hujumchisi Isaak Mbensa hisobni tenglashtirdi. Shu tariqa “qizil iblislar” mehmonda kechgan bahsda “Haddersfild” bilan durang o‘ynadi (1:1).
Ma’lumot uchun, “mankunianlar” 66-ochko jamg‘argan holda musobaqa jadvalida 6-pog‘onani band qilib turgan bo‘lsa, “Haddersfild” esa 15 ochko bilan so‘nggi o‘rindan joy olgan.
Qayd etish joiz, “Yunayted” kelasi mavsum Yevropa Chempionlar Ligasida ishtirok eta olmaydigan bo‘ldi. Boisi, chempionat tugashiga 1 tur qolganda jamoa 4-o‘rinda borayotgan “Tottenhem”dan 4 ochko ortda bormoqda.
APL
37-tur bahslari
5-may, yakshanba
“Chelsi”—“Uotford” 3:0
Gollar: 1:0 — 48 Loftus-Chik, 2:0 — 51 David Luis, 3:0 — 75 Iguain“Haddersfild”—“Manchester Yunayted” 1:1
Gollar: 0:1 — 8 Maktominay, 1:1 — 60 MbensaYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)