“Urugvay go‘zali” Mexikoda o‘lik holda topildi
“Miss Urugvay—2006” tanlovi g‘olibi Fatima Davila Mexikodagi mehmonxonalarning biridan o‘lik holda topildi, deb xabar berdi Russia Today.
Qayd etilishicha, Davilaning jasadi vannaxonadan topilgan. El Universal nashri ma’lumotlariga ko‘ra, ayol Meksika poytaxtiga ish topish maqsadida aprel oyining ikkinchi yarmida kelgan edi.
Avvalroq “Yosh koinot go‘zali—2017” tanlovining sobiq g‘olibi Lotte Van Der Zi 20 yoshga to‘lishi arafasida yurak xurujidan, Missis World unvoni sohibasi Saniya Shokirova avariyada, “Bag‘dod go‘zali” Tara Fares qotillik tufayli, “Miss Fransiya” go‘zallik tanlovi ishtirokchisi Morgan Rollan traktor bosib ketishi oqibatida vafot etgani haqida xabar berilgandi.
“Miss Moskva” unvonidan mahrum etilgan Alesya Semerenko esa qizlarni go‘zallik tanlovlarida qatnashmaslikka chaqirgan.
