Iroq poytaxtida 22 yoshli “Bag‘dod go‘zali” otib ketildi

Iroq poytaxtida 2015-yilgi “Bag‘dod go‘zali”, 22 yoshli Tara Faresning jasadi topildi. U o‘zining sport mashinasida o‘ldirib ketildi, deya xabar beradi “Gazeta.ru”.

Tara Faresning jasadi shayx Zayd kasalxonasiga 27-sentabr, kechki payt olib kelindi. Unda uchta — boshida ikki va ko‘krak qismida bitta o‘q izi aniqlandi. Iroq IIV qotillik tafsilotlarini o‘rganishga kirishdi.

Tanlovdagi g‘alabasidan so‘ng qiz Yevropaga ko‘chib o‘tgan, biroq keyinchalik yana Iroqqa qaytgandi. U ijtimoiy tarmoqlardagi ochiq-oshkor suratlari bilan tanilgandi.