Samarqandda noto‘g‘ri sarflangan energiya 2 mlrd so‘mdan ortiq zarar keltirdi

MIBning markaziy mahkamasi hamda Samarqand viloyat boshqarmasi xodimlari tomonidan Samarqand tumanidagi fermer xo‘jaliklari o‘rganilganda, elektr ta’minoti korxonasi mansabdor shaxslari mansab vakolatini suiiste’mol qilgani aniqlandi. Bu haqda MIB matbuot xizmati “Daryo”ga xabar berdi.

Samarqand tumanidagi elektr ta’minoti korxonasi mansabdor shaxslari o‘z vazifalariga loqaydlik bilan qarab, 2016-yilning 1-fevralidan 2019-yil 1-fevraliga qadar elektr energiyasi noto‘g‘ri sarflanishi oqibatida davlat manfaatlariga 2 milliard 518 million 126 ming so‘m miqdorda zarar yetkazgan.

Mazkur holat yuzasidan Majburiy ijro byurosining viloyat boshqarmasi tomonidan jinoyat ishi qo‘zg‘atilgan.