Habib Nurmagomedov: “Ronalduni Dog‘istonga chaqirish uchun uni qo‘riqchilar bilan ta’minlash kerak. Uning hayoti uchun javob berishni xohlamayman”

Yengil vazn toifasida UFC chempioni Habib Nurmagomedov Krishtianu Ronaldu bilan do‘stligi haqida gapirdi. Bu haqda “Match TV” xabar berdi.

MMA’ga aloqasi bo‘lmagan ko‘pgina odamlar bilan muloqot qilaman. Shu bilan birga Krishtianu Ronaldu bilan uning har bitta o‘yinidan so‘ng suhbatlashib turaman.

Uni Dog‘istonga taklif qilish? Bilmadim, bunday fikr xayolimdan o‘tmagan ekan. Agar shunday bo‘lsa, uni qo‘riqchilar bilan ta’minlashim kerak. Bu yerda uning hayoti uchun javob bera olamanmi yoki yo‘q, bunisini bilmadim. Dog‘iston OAVlarda ko‘rsatganidek xavfli emas.

Har holda u dunyodagi eng mashhur sportchi hisoblanadi. Uning hayoti uchun javobgarlikdek mas’uliyatli ishni o‘z zimmamga olmagan bo‘lardim. Agar uni Dog‘istonga chaqiradigan bo‘lsam, istalgan vaqtda uchib kelishiga ishonaman. Uni kutib olishdan juda xursand bo‘lgan bo‘lardim.

Habib Nurmagomedov, yengil vazn toifasida UFC chempioni