17-mart, yakshanba kuni futbol bo‘yicha Angliya premyer ligasining 31-tur bahslari doirasida 2 ta uchrashuv bo‘lib o‘tdi.
Yevropa Chempionlar Ligasi 1/8 finalining javob o‘yinida “Bavariya”ni mag‘lubiyatga uchratgan (1:3) “Liverpul” jamoasi mehmonda “Fulhem”ga qarshi maydonga tushdi.
Bellashuvning 26-daqiqasida Sadio Mane hisobni ochgan bo‘lsa, 74-daqiqaga kelib Rayan Babel hisobni tenglashtirdi (1:1). Oradan 7 daqiqa o‘tib Jeyms Milner “Fulhem” darvozasiga penaltidan g‘alaba golini urdi va uchrashuv qahramoniga aylandi (2:1).
Shu kuni Mauritsio Sarri qo‘l ostidagi Londonning “Chelsi” klubi “Everton” mehmoni bo‘ldi.
Uchrashuvda Risharlison Andrade (49) hamda Gilfi Sigurdsson (72) tomonidan kiritilgan gollar mezbon jamoaning g‘alabasini ta’minladi (2:0).
Shu tariqa “aristokratlar” uch ochkodan mahrum bo‘ldi.
APL
17-mart, yakshanba
“Fulhem”—“Liverpul” 1:2
Gollar: 0:1 — 26 Mane, 1:1 — 74 Babel, 1:2 — 81 Milner“Everton”—“Chelsi” 2:0
Gollar: 1:0 — 49 Risharlison, 2:0 — 72 SigurdssonYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)