Arizona hayvonot bog‘ida yaguar mehmonga hujum qildi (video)
Chamasi 30 yoshda bo‘lgan jabrdiyda hayvonlari bor to‘siq yonida suratga tushishga urungan vaqtida to‘satdan yirtqich hujumiga uchragan, deya xabar beradi “ForumDaily”.
U zudlik bilan qo‘lidagi jarohatlar bilan shifoxonaga yotqizilgan. Shifokorlarning so‘zlariga ko‘ra, uning hayoti xavf ostida emas.
Guvohlarning so‘zlariga ko‘ra, yirtqich hayvon bilan to‘qnashuv qo‘rqinchli bo‘lgan.
“Men yosh qizning yordam so‘rab baqirayotgan ovozini eshitdim. Yaguar qafasi oldida tirnoqlarini uning qo‘liga tiqib, uni ushlab olgandi”, — dedi guvoh Adam Uilkerson.
Adamning onasi yaguarni bir shisha suv bilan chalg‘itishga muvaffaq bo‘lgan.
Keyinchalik hayvonot bog‘i quyidagicha bayonot berdi: “Bugun kechqurun hayvonot bog‘i yopilishidan oldin tashrif buyuruvchining suratga tushish uchun to‘siqdan o‘tgani sababli dahshatli hodisa yuz berdi, oqibatda mehmon hayoti uchun xavfli bo‘lmagan jarohatlar oldi. Oilaning iltimosiga ko‘ra, hodisa joyiga sog‘liqni saqlash xodimlari chaqirilgan. Hayvon, bir soniya bo‘lsa ham o‘z qafasidan tashqarida bo‘lmagan. Hodisa tekshirilmoqda”.
#BREAKING: Rural Metro has responded to a report of a woman getting attacked by a jaguar at Wildlife World Zoo.
— FOX 10 Phoenix (@FOX10Phoenix) March 10, 2019
Courtesy: Adam Wilkerson pic.twitter.com/PMUFL5BWUy
