“Toshshahartransxizmat” yo‘lovchilar shikoyatlarini qabul qilish uchun Telegram-botni ishga tushirdi

“Toshshahartransxizmat” yo‘lovchilar shikoyatlarini qabul qilish uchun Telegram-botni ishga tushirdi, deb yozadi “Podrobno.uz”.

“Xizmat ko‘rsatish tizimini takomillashtirish uchun shikoyat va takliflaringizni @aotshtx_bot’ga jo‘natishingiz, shuningdek, 1062 ishonch telefoni orqali xabar qilishingiz mumkin”, — deya xabar qildi kompaniya.

Eslatib o‘tamiz, oxirgi kunlarda poytaxt avtobuslarining haydovchi va konduktorlariga bog‘liq bir nechta xunuk hodisa yuz berdi.

Joriy yilning 20-fevral kuni Toshkentning Shimoliy vokzal bekatida nogironligi bo‘lgan shaxs “12-avtobus saroyi”ga qarashli 62-yo‘nalishdagi hamda“1-avtobus saroyi”ga qarashli 13t-yo‘nalishida qatnovchi o‘rta sig‘imli “SAZ LE 60” rusumli avtobusga chiqmoqchi bo‘lganda, haydovchilar pandus ochilmayotganligini bahona qilib, uni olmagan.

Yana ikki “qahramon” — pensioner ayolni avtobusdan tushirib yuborgan konduktor va haydovchi kasb etikasini buzganlik uchun xayfsan olgan.