Bugun,

  • USD 11095.31
  • RUB 173.84
  • EUR 10772.44

Qashqadaryo viloyati Chiroqchi tumani Jinoyat ishlari bo‘yicha sudi pora bilan qo‘lga tushgan IIB xodimiga nisbatan hukm o‘qildi. Bu haqda sud matbuot xizmati “Daryo” ga xabar berdi.

Foto: Google Images

Foto: Google Images

Jabbor Eldorov (ism-familiyasi o‘zgartirilgan) IIB xizmatiga yaxshi niyatlar bilan ishga kiradi. Aholi tinchligini saqlash va jinoyatchilikka qarshi kurashish asosiy vazifasi hisoblangani holda, o‘ziga biriktirilgan hududda profilaktika inspektori vazifasida faoliyat ko‘rsatib keladi. Bu davr mobaynida Prezident tashabbuslari bilan berilayotgan imtiyozlar asosida avtomashina va xizmat uyi bilan ta’minlandi, moddiy tomondan biron-bir qiyinchilikka duch kelmadi. Biroq, uni kim va nima yo‘ldan urdi-yu, o‘z nafsining qurboniga aylandi.

Jumladan, Eldorov xizmat hududida tun qorong‘usida yurgan yosh yigit va qizlarni uchratib qolib, ularni xizmat xonasiga olib keladi. Ular bilan profilaktik suhbat o‘tkazib javob berib yuboradi, biroq yigitlardan biri Nasim Tohirovdan moddiy manfaatdor bo‘lish fikri uning tinchligini buzdi.

Ertasi kuni, Nasim Tohirov bilan uchrashib, hujjatlarini olib kelish kerakligini aytadi. Bu orada Nasim Tohirovdan nima qilib bo‘lsa ham pul olish uchun uning opasiga tegishli, bir necha kun ilgari kechasi uni ushlagan ko‘p qavatli uy oldiga borib, uy chirog‘i yoniq ekanligini ko‘rib, ushbu xonadonga kirib boradi va Nasim Tohirovning o‘rtog‘i Mansur Orolov ijarada yashab kelayotganini aniqlaydi va uning fuqarolik pasportini olib qo‘yadi. Ana endi o‘z niyatini amalga oshirish uchun qulay imkoniyat va vaziyatga ega bo‘ladi. Mansur Orolov orqali Nasim Tohirovni chaqirtirib, unga opasi va o‘rtog‘iga nisabatan O‘zbekiston Respublikasi Ma’muriy javobgarlik to‘g‘risidagi kodeksi 223-moddasi bilan ma’muriy bayonnoma tuzishini, katta miqdorda jarima qo‘llanilishini aytadi. O‘z o‘rnida Nasim Tohirovning “yordam berish” haqidagi iltimosi unga qo‘l keldi va niyatini ochiq aytadi: “Jarimani menga to‘laysan, 100 dollar olib kel”

Nasim Tohirov IIB xodimining harakatlari noqonuniy ekanligini sezib, huquqni muhofaza qiluvchi organlarga ariza bilan murojaat qiladi va tegishli tartibda tadbir o‘tkaziladi.

Jabbor Eldorov pora olishdan avval barcha ehtiyot choralarini ko‘rishga harakat qilgan bo‘lsa-da, biroq, “buzoqning qochgani somonxonagacha” deganlaridek, 100 AQSh dollarini ma’muriy bayonnoma tuzmaslik evaziga olgan vaqtida ushlandi.

Jabbor Eldorov o‘z halqi va muqaddas burchiga xiyonat qildi, bir necha yillik obru-e’tibori va davlat ishonchini o‘z nafsi yo‘lida 100 AQSh dollariga almashtirib yubordi.

Jinoyat ishlari bo‘yicha Chiroqchi tuman sudida (raislik qiluvchi sudya Sh.Baxtiyorov) mazkur jinoyat ishi ochiq sud majlisida ko‘rib chiqildi. Sudning hukmiga ko‘ra, Jabbor Eldorov O‘zbekiston Respublikasi Jinoyat kodeksi 210-moddasi 1-qismi (mansabdor shaxs tomonidan pora olish) bilan aybli topilib, 2 yil muddatga mansabdorlik va moddiy javobgarlik vazifalarida hamda ichki ishlar idoralarida ishlash huquqidan mahrum qilinib, 2 yil 6 oy muddatga ozodlikdan mahrum qilindi.

Shuningdek, jinoyatning sabablari va uning sodir etilishiga imkon bergan shart-sharoitlarni bartaraf qilish to‘g‘risida xususiy ajrim chiqarilib, Qashqadaryo viloyat IIB boshlig‘i e’tiboriga havola qilindi.

Izoh
Asosiy yangiliklar
Dunyo
“Daryo” kundaligida 9-dekabrda sodir bo‘lgan eng muhim voqealar
Dunyo
Qozog‘iston Rossiyaga zirhli texnika jo‘natishi haqida xabarlar tarqaldi (video)
Madaniyat
Shahzoda Garri va Megan Markl yangi hujjatli filmda Yelizavetta II ni masxaralab, qirollik oilasi a’zolarini irqchilikda aybladi (video)