28-fevral kuni Pokiston armiyasi o‘t ochmaslik to‘g‘risidagi sulhini yana buzdi va Hindistonning Jammu va Kashmir viloyatlarida aholi punktlarini o‘qqa tutdi. Bu haqda “TASS” xabar berdi.
Qayd etilishicha, o‘t ochish mahalliy vaqt bilan taxminan 15:00 da boshlangan bo‘lib, Sanderbani, Kxari Karmara va Degvar tumanlari o‘qqa tutilgan.
Bu kun davomida ikkinchi marta kelishuvning buzilishi. Avvalroq pokistonlik harbiylar Hindiston hududida mahalliy vaqt bilan soat 06:00 atrofida otishma sodir etgan. Hindiston ham bunga javoban o‘t ochgan.
Hindiston harbiylarining 14-fevral kuni koloniyaga hujumidan so‘ng Kashmirning Hindiston va Pokiston hududlarini ajratib turadigan nazorat chizig‘ida keskinlik saqlanib qolmoqda.
Hujum uchun javobgarlikni Kashmirning Hindistondan ajralib chiqishi, mustaqillikka erishishi yoki Pokiston tarkibiga qo‘shilishi tarafdori bo‘lgan “Jaish-e-Muhammad” (“Muhammad lashkari”) terrorchilik tashkiloti o‘z bo‘yniga olgan. Nyu-Delida Islomobod ushbu guruhning jangarilarini qo‘llab-quvvatlashda va Pokiston hukumatining ularga qarshi hech qanday chora ko‘rmaganlikda ayblangan.
Izoh (0)