Kurd jangchilari Suriya sharqidagi Al-Baguz aholi punktida IShID jangarilari o‘ldirilgan o‘nlab ayollar jasadini topdi. Bu haqda “Korrespondent.net” xabar bermoqda.
“Suriya demokratik kuchlari” tuzilmalari qo‘mondoni Adnan Afringa ko‘ra, qurbonlarning aksariyati kurd tilida gaplashuvchi diniy-etnik guruh—yazidlarga mansub. Ular IShID 2014-yilda Iroq shimoli-g‘arbidagi Sinjar tumaniga hujum qilgan vaqtda asir olingandi.
23-fevral kuni Daily Mail nashri Britaniya harbiy xizmatchilari Al-Baguzdagi transheyalardan birida 50 nafar yazid ayoli jasadiga duch kelganini bildirgandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)