Toshkent davlat agrar universitetida general-polkovnik Zokirjon Almatov rahbarligida davra suhbati o‘tkazildi

26-fevral kuni IIVning maslahatchisi general-polkovnik Zokirjon Almatov rahbarligidagi ishchi guruh a’zolari tomonidan Toshkent davlat agrar universitetida “Toshkent davlat agrar universiteti talaba-yoshlari bilan ma’naviy-ma’rifiy va tarbiyaviy-profilaktik muloqot” mavzusidagi davra suhbati o‘tkazildi. Bu haqda universitet matbuot kotibi N. Abdullayeva xabar berdi.

Unda O‘zbekiston hamda Qoraqalpog‘iston xalq artisti Yodgor Sa’diyev, Din ishlari bo‘yicha qo‘mita raisi o‘rinbosari Nuriymon Abdulhasan ham ishtirok etdi.

Uchrashuvni universitet rektori, akademik B.Sulaymonov ochib berdi.

Unda yoshlar manfaatlarini himoya qilish, moddiy va ma’naviy jihatdan yordam ko‘rsatish, ularni qiynayotgan muammolarni o‘rganib tahlil qilish va yechimini topish, shuningdek, yoshlar bilan bog‘liq jinoyatchilik va huquqbuzarliklarning oldini olish masalalari muhokama qilingan.