Angliyaning “Arsenal” klubi Germaniyaning “Leyptsig” jamoasi hujumchisi Benyamin Sheshko bilan shartnoma imzolashga yaqin turibdi. Bu haqda The Sun nashri xabar berdi.
Manbaga ko‘ra, Sloveniya terma jamoasi vakiliga klub bosh murabbiyi Mikel Arteta shaxsan qiziqish bildirgan. “Arsenal” futbolchi uchun 81 million yevrodan ortiq mablag‘ to‘lashga tayyor.
Hozirda transferning amalga oshishiga yagona to‘siq – bu Sheshkoning shaxsiy shartnoma borasidagi talablari. Nashrga ko‘ra, hujumchi klub tomonidan rejalashtirilgan maosh byudjetidan yuqoriroq ish haqi so‘ramoqda. Bu esa klubning rejalariga to‘g‘ri kelmaydi. Hozirda klubning oldida ikkita yo‘l bor — futbolchining talablarini qondirish yoki Sheshko transferidan voz bor.
Ma’lumot uchun, 21 yoshli Sheshko o‘tgan mavsumda “Leyptsig” safida 45 o‘yinda maydonga tushib, o‘z hisobiga 21 ta gol yozdirib qo‘ygan. Uning klub bilan shartnomasi 2029-yilning yoziga qadar amal qiladi. Transfermarkt portali hujumchining qiymatini 70 million yevroga baholamoqda.
Izoh (0)