Rossiyaning UNIM kompaniyasi unikal neyrotarmoqni taqdim etdi. Bu tizim metastazlarni aniqlashda yordam beradi. Bu haqda Remedium xabar berdi.
Neyrotarmoq mualliflarining aytishicha, tizim vrachning onkologik kasalliklarning xarakteristikasini baholash uchun ketadigan vaqtini yuzlab barobar tejaydi. Shunchaki 10 soniya ichida yangi metastazlarga o‘xshash yangi hosilalarning borligi va ularning joylashishi haqida to‘liq ma’lumot olish mumkin. Odatda bu uchun 30 daqiqa vaqt ketadi.
Neyrotarmoqning asosida 60 terabaytga yaqin diagnostik ma’lumotlar yotadi. Sistemani yaratishda o‘n mingdan ortiq shifokor qatnashgan. Hozirda tizim kompaniya laboratoriyasida test rejimida foydalanilmoqda. Uning yordamida izlanuvchilar o‘sma metastazlari tashxislangan 600 bemorning ma’lumotlarini o‘rganib chiqishdi.
Sun’iy intellekt tibbiyotning boshqa sohalariga ham kirib bormoqda. Misol uchun, yaqindan boshlab esa sun’iy intellekt o‘pka kasalliklarga tashxis qo‘yishni boshlagandi.
Izoh (0)