Lateral amiotrofik skleroz — bu kasallik tanada paralich chaqiradi va 3–5 yil ichida bemorni nobud qiladi. Bu kasallik bilan og‘rigan mashur olim Stiven Xoking 2018-yil 14-mart kuni 76 yoshida vafot etgan edi. Bugungi kungacha kasallik bedavo hisoblanar va tuzalishga umuman umid yo‘q edi. Biroq Fransiyada yaratilgan davolash usuli hayvonlarda o‘zing samaradorligini ko‘rsatdi.
Laval universiteti olimlari hayvonlarda lateral amiotrofik sklerozni davolashda yangi metodni muvafaqqiyatli tarzda sinovda o‘tkazdi. Terapiya kasallikning kelib chiqishiga sabab bo‘luvchi TDP-43 oqsiling yig‘ilishini to‘xtatishga qaratilgan. Bu haqda EurekAlert xabar bermoqda.
Avvalgi tadqiqotlarda LAS bilan kasallangan bemorlarning orqa miyasida haddan tashqari ko‘p miqdorda TDP-43 oqsili ekpressiya qilinishi aniqlangan edi. Bu esa neyronlarda oqsilning to‘planishiga va ularda yallig‘lanish reaksiyasini chaqirib, ularni “ishdan chiqishiga” olib keladi.
Bu muammoni hal qilish uchun olimlar guruhi TDP-43 oqsiling miqdorini kamayishiga olib keladigan maxsus antitanani yaratdi. Terapiya sichqonlarda testdan o‘tdi va yaxshi ko‘rsatkichlarga ega bo‘ldi. Kognitiv funksiyalardan tashqari, kemiruvchilarda, motor funksiyalarida ham juda yaxshi ijobiy natijalarni bergan.
Antitanalarni yetkazishda hozirda viruslardan foydalanilmoqda. Lekin olimlar kelajakda bu yondashuvdan voz kechmoqchi. Bu esa terapiyani yanada soddalashtiradi. Olimlarning fikriga ko‘ra, dorili kokteylning to‘g‘ridan to‘g‘ri orqa miya suyuqligiga inyeksiya qilinishi ham TDP-43 ning yig‘ilishiga qarshi yordam beradi.
Izoh (0)