Bugun,

  • USD 11095.31
  • RUB 173.84
  • EUR 10772.44

Tojikistonlik tadbirkorlar O‘zbekistonda ishlab chiqarilgan mahsulotlarni Tojikistonga yetkazib berish uchun o‘zbek banklari tomonidan taqdim etilayotgan imtiyozli kreditlarni olishga u qadar qiziqish bildirmayapti, deya xabar beradi “Asia-Plus”.

Foto: banco.az

Foto: banco.az

O‘zbekistonning eksport kreditlari o‘tgan yil mart oyida ikki mamlakat hukumatlari o‘rtasida imzolangan moliyaviy hamkorlik to‘g‘risidagi shartnoma asosida taqdim etiladi.

Hujjatda ikki davlatning muayyan banklari tomonidan umumiy qiymati 100 million AQSh dollarga teng maxsus kredit liniyalari ochilishi ko‘zda tutilgan.

Taklif qilinayotgan kredit summasining yarmiga yaqinini Tojikiston “Amonatbonk” jamg‘arma banki taqdim etadi. Ushbu moliya muassasasi ikki o‘zbek banki bilan umumiy qiymati 43 million AQSh dollarga teng kreditlarni berish bo‘yicha shartnoma imzolagan.

“Amonatbonk” rahbari Sirojiddin Ikromiy 5-fevral kuni bank hozircha 507 ming AQSh dollarlik o‘zbek kreditlarini jalb qilish bo‘yicha kafolatlarni taqdim etgan. Bu kreditlarning 1,2 foizini tashkil qiladi.

Tojikiston importchilariga o‘zbek kreditlarini jalb qilinishini to‘xtatib turgan asosiy omil bu kreditlarning Amerika valyutasida taqdim etilishidir.

“So‘nggi yillarda milliy valyutaning xorijiy valyutaga nisbatan qadrsizlanish tendensiyasi kuzatildi. Shu munosabat bilan fuqarolar chet el valyutasida emas, balki somoniyda kredit olishni afzal deb biladi, chunki qarz bilan birga valyuta bozorida mavjud shart-sharoitlarda xorijiy valyutada kredit oluvchi valyuta bosimi ostida qoladi”, — deydi “Amonatbonk” rahbari.

Izoh
Asosiy yangiliklar
Mahalliy
O‘zbekistonda dollar kursi yana tushdi 
Dunyo
Ozarbayjon o‘z fuqarolarini Eronga bormaslikka chaqirdi
Iqtisodiyot
O‘zbek so‘mi 2022-yilda dollarga nisbatan 3,9 foizga qadrsizlandi. Milliy valyutaning almashuv kursi qanday o‘zgardi?