Detslning rafiqasi uning o‘limiga nima sabab bo‘lganiga aniqlik kiritdi

3-fevral kuni Detsl taxallusi bilan mashhur bo‘lgan rossiyalik reper Kirill Tolmaskiyning rafiqasi uning o‘limiga nima sabab bo‘lganiga aniqlik kiritdi. Bu haqda u Instagram sahifasida yozib qoldirgan, deya xabar beradi “MK.ru”

Uning aytishicha, xonandaning yuragi 3-fevral kungi konsertdan so‘ng to‘xtab qolgan.

“Xudo sevgan insonimni olib ketdi”, — deb yozgan ayol. — Kirill yurak yetishmovchiligi oqibatida vafot etdi”, — deb aniqlik kiritgan.

Kirill Tolmaskiy 1983-yil 22-iyulda Moskvada tug‘ilgan. “Bad B. Alyans” guruhining sobiq ishtirokchisi. Yakkaxon ijrochi sifatida jami 8 ta musiqiy albom tayyorlagan.

Ilk albomi — “Kto? ti” milliondan ortiq nusxada tarqalgan va Rossiyada eng ko‘p sotilgan to‘plamlar qatoriga kiradi.