Qashqadaryoda 24 bosh qo‘yni o‘g‘irlagan shaxs ushlandi

1-fevralga o‘tar kechasi noma’lum shaxs Qashqadaryo viloyatining Mirishkor tumanida joylashgan fermer xo‘jaligi dala maydonidan “Chamanzor” mahallasida yashovchi fuqaro P.Q.ga tegishli 24 bosh qo‘ylarni o‘g‘irlab ketgan.

“Ko‘rilgan choralar natijasida ushbu jinoyatni ‘Shirin’ mahallasida yashovchi M.X. sodir etganligi aniqlanib, ushlandi”, — deya xabar bermoqda O‘zbekiston IIV Jamoatchilik va ommaviy axborot vositalari bilan aloqalar boshqarmasi.

Xabar berishlaricha, holat yuzasidan jinoyat ishi qo‘zg‘atilib, tergov harakatlari olib borilmoqda.