Ravshan Ermatov Osiyo Kubogidagi yurishini davom ettiradi

24-yanvar, payshanba kuni Osiyo Kubogi musobaqasining chorak final bahslariga start beriladi.

1/4 finalning Xitoy—Eron uchrashuvida o‘zbekistonlik Ravshan Ermatov ham faoliyat olib boradigan bo‘ldi.

Chorak final bosqichidan boshlab VAR tizimi amalda qo‘llanadi. Ermatov esa Xitoy—Eron uchrashuviga videotakrorlar bo‘yicha referi assistenti etib tayinlangan.

O‘yinni O‘zbekiston—Avstraliya bahsini boshqargan qatarlik Abdulrahmon Al-Jassim boshqaradi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!