AQShda fast-fudda ovqatlanish bilan kifoyalangan erkak xayriya jamg‘armalariga 11 mln dollar qoldirdi

AQShning Vashington shtatida istiqomat qilgan ijtimoiy yordam xodimi Alan Neyman bolalar xayriya jamg‘armalariga 11 million dollar vasiyat qildi. U 64 yoshida saratondan vafot etdi, deya xabar beradi “Vesti.ru”.

Neymanning do‘stlarini aytishicha, u o‘ta kamtarona yashagan va o‘ziga deyarli pul sarflamagan. U faqat chegirmalar bo‘lgan tovarlarni sotib olgan, poyafzalini o‘zi ta’mirlagan, tanishlarini ovqatlangani faqat fast-fudga olib borgan.

Alan bolalarni juda yaxshi ko‘rar, biroq o‘zining farzandlari yo‘q edi.

11 million dollar ishlab topish uchun amerikalik uchta joyda ishlar, ota-onasidan qolgan meros ham bor edi. Neyman o‘zining barcha pullarini xayriya jamg‘armalariga qoldirdi.