Bugun,

  • USD 11014.01
  • RUB 191.8
  • EUR 10674.78

Koreyaning Kangnam Jevisco kompaniyasi Nukus shahrida yiliga 50 tonnalik oq bo‘yoq ishlab chiqaradigan umumiy qiymati 100 million dollarlik zavod qurishni rejalashtirmoqda, deb yozadi O‘zA.

Foto: O‘zA

Foto: O‘zA

Shu munosabat bilan Qoraqalpog‘iston Respublikasi Jo‘qorg‘i Kengesida O‘zbekiston Respublikasining Koreya Respublikasidagi favqulodda va muxtor elchisi Vitaliy Fen hamda Kangnam Jevisco kompaniyasi vitse-prezidenti Pak Chi Kyung, mazkur kompaniyaning ijrochi direktori Kim Kyu Telerdilarni qabul qilish marosimi o‘tkazildi. Unda 200 yangi ish o‘rni yaratilishi kutilayotgan ushbu zavodning loyihasi taqdimoti bo‘lib o‘tdi.

– Davlatimiz rahbari shu yilning 15-16-noyabr kunlari Qoraqalpog‘istonga safari davomida Xitoy, Koreya, Kuvayt, Germaniya, Yaponiya davlatlaridagi elchilar oldiga belgilangan 30 loyihani amalga oshirish, har bir tumanga investitsiya olib kelish mas’uliyatini yuklagan edi, – deydi Qoraqalpog‘iston Respublikasi Vazirlar Kengashi Raisi o‘rinbosari B. Habibullayev. – Janubiy Koreya bugungi kunda tashqi iqtisodiy aloqalar sohasida Qoraqalpog‘istonning ahamiyatga molik strategik sheriklaridan biri hisoblanadi. O‘tgan yili o‘zaro tovar aylanmasi 28,4 million dollarni tashkil qilgan bo‘lsa, joriy yilning o‘tgan o‘n oyida 39,1 million dollarni tashkil qiladi. Shuningdek, o‘tgan yili Qoraqalpog‘istonga Koreyadan 39,2 million dollar miqdoridagi investitsiyalar kiritilgan bo‘lsa, bu ko‘rsatkich joriy yilning o‘tgan o‘n oyi davomida 40,1 million dollarini tashkil qildi. Bugungi kunda ushbu davlat investorlari ishtirokida 9 korxona ro‘yxatga olingan.

Yana bir yirik loyiha – Janubiy Koreyaning “Evegrinmotors grupp” hamda “Xvachon plant konstrakshn” kompaniyalari tomonidan Qorao‘zak va Beruniy tumanlarida umumiy qiymati 500 million dollar bo‘lgan ikkita sement zavodi qurilishi rejalashtirilmoqda. Ushbu zavodlar ishga tushishi bilan 500 yangi ish o‘rinlari yaratiladi.

Qo‘ng‘irot, Xo‘jayli, Shumanay tumanlarida va Nukus shahrida qiymati 5 million dollarilik issiqxonalar qurish bo‘yicha koreyalik hamkorlar va mahalliy hokimliklar o‘rtasida memorandum imzolandi. Issiqxonalar ishga tushishi bilan har birida 80 ta yangi ish o‘rinlari paydo bo‘ladi.

Kelgusida Janubiy Koreyaning gidroponika texnologiyasi bo‘yicha ilg‘or tajribalarini keng joriy qilgan holda issiqxona xo‘jaligini rivojlantirish, sog‘likni saqlash sohasida tibbiyot xodimlarining kasbiy mahoratini orttirish, ta’lim, maktabgacha ta’lim, turizm, farmatsevtika sohalarida ham hamkorlik qilishni rivojlantirish bo‘yicha kelishuvlarga erishilmoqda.

Izoh
Asosiy yangiliklar
Dunyo
Rossiyalik milliarderlar yil boshidan buyon qariyb 100 mlrd dollar yo‘qotgan
Dunyo
Zaporojye AES bosh direktori Igor Murashov Rossiya asirligidan ozod qilindi
Mahalliy
“Jamoaga yordam bermaganlar uni yo‘q joydan qoralayotgani achinarli” — Sherzod Shermatov 819 mln so‘m sarflangan IT tadbiri haqidagi gaplarni “mayda g‘iybatlar” de...