Bugun,

  • USD 11095.31
  • RUB 173.84
  • EUR 10772.44

Bugun, 3-oktabr sanasida Pepsi Superligada 25-tur bahslari davom ettirilmoqda.

Foto: PFL matbuot xizmati

Foto: PFL matbuot xizmati

Jumladan, Superligada qolish uchun kurashayotgan “Qo‘qon-1912” hamda AGMK jamoalari Qo‘qonda hisob-kitob qilishdi. 41-daqiqada hisobni AGMK futbolchisi Muzaffar Muzaffarov ochdi. Ikkinchi bo‘limning 70-daqiqasida Suhrob Berdiyev hisobni tenglashtirdi. O‘yinga yakuniy nuqtani esa AGMK futbolchisi Azamat Isroilov qo‘ydi. U 87-daqiqada gol kiritib, jamoasining safardan g‘alaba bilan qaytishini ta‘minladi.

Chempionlik uchun kuchli oltilikda kurash olib borayotgan “Metallurg” esa o‘z uyida “Paxtakor”ga qarshilik ko‘rsatishga harakat qilib ko‘rdi, biroq ularning urunishi omadsiz yakunlandi. “Paxtakor” safarda to‘p surganiga qaramay, mezbonlar darvozasiga javobsiz uchta gol urdi. Gollardan ikkitasiga Igor Sergeyev mualliflik qilgan bo‘lsa, yana bir gol Farrux Sayfiyev nomiga yozildi.

Turning so‘nggi o‘yini Toshkentda bo‘lib o‘tmoqda. Unda chempionlik uchun kurashayotgan Mirjalol Qosimov boshchiligidagi “Bunyodkor” Ilhom Mo‘minjonov boshliq “Navbahor”ni qabul qilmoqda.

Pepsi Superliga. “Lokomotiv” va “Nasaf”dan g‘alaba, “So‘g‘diyona” esa “Neftchi”ga javobsiz 3 ta gol urdi

Pepsi Superliga

25-tur bellashuvlari

3-oktabr, chorshanba

“Qo‘qon-1912” – AGMK 1:2

Gollar: 1:0—41 Muzaffar Muzaffarov, 1:1—70 Suhrob Berdiyev, 1:2—87 Azamat Isroilov.

“Metallurg” – “Paxtakor” 0:3

Gollar: 0:1—43 Farrux Sayfiyev, 0:2—69 Igor Sergeyev, 0:3—90 Igor Sergeyev.

Izoh
Asosiy yangiliklar
Iqtisodiyot
O‘zbekiston 2022-yilda kartoshka sotib olishni kamaytirdi. Mahalliy yetishtirish esa oshgan 
Dunyo
Bayden Ukrainaga F-16 qiruvchilari yetkazib berilmasligini aytdi. Oq uy bunga izoh berdi
Kino
Mushuk Leopold obrazini yaratgan rassom Vyacheslav Nazaruk vafot etdi