Pepsi Суперлига. «Пахтакор» «Металлург»ни тор-мор этди, «Қўқон-1912» эса АГМКга ютқазиб қўйди

Бугун, 3 октябрь санасида Pepsi Суперлигада 25-тур баҳслари давом эттирилмоқда.

Жумладан, Суперлигада қолиш учун курашаётган «Қўқон-1912» ҳамда АГМК жамоалари Қўқонда ҳисоб-китоб қилишди. 41-дақиқада ҳисобни АГМК футболчиси Музаффар Музаффаров очди. Иккинчи бўлимнинг 70-дақиқасида Суҳроб Бердиев ҳисобни тенглаштирди. Ўйинга якуний нуқтани эса АГМК футболчиси Азамат Исроилов қўйди. У 87-дақиқада гол киритиб, жамоасининг сафардан ғалаба билан қайтишини таъминлади.

Чемпионлик учун кучли олтиликда кураш олиб бораётган «Металлург» эса ўз уйида «Пахтакор»га қаршилик кўрсатишга ҳаракат қилиб кўрди, бироқ уларнинг уруниши омадсиз якунланди. «Пахтакор» сафарда тўп сурганига қарамай, мезбонлар дарвозасига жавобсиз учта гол урди. Голлардан иккитасига Игорь Сергеев муаллифлик қилган бўлса, яна бир гол Фаррух Сайфиев номига ёзилди.

Турнинг сўнгги ўйини Тошкентда бўлиб ўтмоқда. Унда чемпионлик учун курашаётган Миржалол Қосимов бошчилигидаги «Бунёдкор» Илҳом Мўминжонов бошлиқ «Навбаҳор»ни қабул қилмоқда.

Pepsi Суперлига. «Локомотив» ва «Насаф»дан ғалаба, «Сўғдиёна» эса «Нефтчи»га жавобсиз 3 та гол урди