O‘zbekiston va Tojikiston Adliya vazirliklari o‘rtasida hamkorlik to‘g‘risida bitim imzolandi

Tojikiston prezidenti Emomali Rahmonning O‘zbekistonga tashrifi davomida davlatlararo, hukumatlararo va idoralararo jami 26 hujjat imzolandi. Ushbu jarayonlarda Adliya vaziri Ruslanbek Davletov ham ishtirok etdi. Bu haqda “Daryo”ga vazirlik axborot xizmati ma’lum qildi.

Har ikki davlatning Adliya vazirliklari o‘rtasida hamkorlik to‘g‘risida bitim imzolandi. Ushbu hujjat davlatlararo adliya sohasidagi o‘zaro hamkorlikni yanada rivojlantirishga qaratilgan.

Hamkorlik bitimi adliya sohasida davlat siyosatini shakllantirish va uni amalga oshirish, adliya idoralari, notariuslar va advokatlar faoliyatini tashkil etish, adliya organlariga reyestrlar kiritish va hujjatlarni ro‘yxatdan o‘tkazish, adliya organlari uchun kadrlar tayyorlash va almashish, malakasini oshirish, kriminalistika va sud ekspertizasi sohasida ilmiy tadqiqot ishlarini olib borish kabi yo‘nalishlarni qamrab olgan.