O‘zbekiston Xotin-qizlari qo‘mitasi xodimlari Toshkent viloyati “Tadbirkor ayol” uyushmasi, mahalliy hokimlik vakillari bilan birgalikda viloyatdagi 1-jazoni ijro etish muassasasida jazo muddatini o‘tayotgan mahkuma ayollar holidan xabar oldi. Bu haqda “Daryo”ga qo‘mita mutasaddilari ma’lum qildi.
Bundan ko‘zlangan asosiy maqsad mahkuma ayollarga jamiyatga qaytganlaridan so‘ng o‘rnatilgan qonun-qoidalarga rioya etishlari lozimligini tushuntirish, kasb-hunarga o‘rgatishni tashkil etish orqali ularning e’tiborini ma’lum maqsadlarga yo‘naltirishdan iborat bo‘ldi.
Samimiy muloqot tarzida o‘tgan uchrashuv chog‘ida ayollarga hukumat tomonidan xotin-qizlarni ijtimoiy ximoya kilish borasida amalga oshirilayotgan keng ko‘lamli ishlar haqida so‘z bordi. Ayollarni qiziqtirgan barcha savollarga javob berildi.
Tadbir so‘nggida ayollarni kirib kelayotgan bayramlar bilan qutlab, sovg‘alar ulashildi.
Izoh (0)