Bugun,

  • USD 11095.31
  • RUB 173.84
  • EUR 10772.44

O‘zbekistonga kelgan Malayziya huquq-tartibot organlari vakillaridan iborat delegatsiya Toshkent shahar IIBBda bo‘ldi.

Foto: IIBB matbuot xizmati

Foto: IIBB matbuot xizmati

Malayziya kriminal politsiyasi boshlig‘i o‘rinbosari Mohd Zakariyo bin Ahmad boshchiligidagi delegatsiya a’zolarini IIBB boshlig‘i va boshqa mutasaddilar qarshi olib, mehmonlarga mamlakatda, xususan, poytaxtda ichki ishlar tizimida olib borilayotgan islohotlar haqida ma’lumot berdi.

O‘zbekiston va Malayziya aholi soni, yer maydoni bo‘yicha bir-biriga o‘xshash mamlakatlar. Bo‘lib o‘tgan muloqotlarda esa har ikki yurt ichki ishlar tizimida ham o‘zaro yaqinliklar borligi, tuzilish va funksional vazifalar katta farq qilmasligi ma’lum bo‘ldi. Yana bir qiziq fakt, Malayziyada ichki ishlar organlari tomonidan har yili mamlakat bo‘yicha jinoiy holatlarni 5 foizga pasaytirib borish ko‘zda tutilgan. Biroq janob Mohd Zakariyo Bin Ahmadning so‘zlariga ko‘ra, oxirgi 10 yilda ushbu ko‘rsatkich 40 foizni tashkil etgan, xolos.

Foto: IIBB matbuot xizmati

Foto: IIBB matbuot xizmati

Toshkent shahrida esa bu borada ancha yaxshi ko‘rsatkichlarga erishilgan. Shu yilning o‘tgan 6 oy va 20 kunida umumiy jinoyatlar soni qariyb 54 foizga pasaygan. Delegatsiya rahbari qo‘lga kiritilayotgan ushbu yutuqlar bilan hamkasblarini qutlagani barobarida, O‘zbekistonga amalga oshirilgan tashrif samarali bo‘lgani va bu o‘zaro tajriba almashish va aloqalarni yanada mustahkamlashga zamin yaratishini alohida e’tirof etdi.

Foto: IIBB matbuot xizmati

Foto: IIBB matbuot xizmati

Uchrashuv doirasida delegatsiya a’zolari Olmazor tumanidagi 2-sonli Ichki ishlar bo‘limida ham bo‘lib, bu yerda aholi murojaatlari bilan ishlash, hududni zamonaviy texnologiyalar asosida nazorat va muhofaza qilish uchun yaratilgan sharoitlar bilan tanishdi. Shuningdek, poytaxtning diqqatga sazovor joylarini ziyorat qildi.

Izoh
Asosiy yangiliklar
Dunyo
Oxirgi 100 yil ichida sodir bo‘lgan dunyodagi eng kuchli 10 ta zilzila (video+foto)
Dunyo
Polsha bosh vaziri Ukrainadagi urush uchinchi jahon urushiga aylanishini prognoz qildi
Dunyo
Qozog‘istonda ikki yashar bola 11 ta magnitni yutib yubordi (foto)