Bugun,

  • USD 11095.31
  • RUB 173.84
  • EUR 10772.44

Bugun, 28-iyul sanasida futbol bo‘yicha O‘zbekiston Pepsi Superligasining 19-tur uchrashuvlari boshlandi. Kun taqvimidan odatga ko‘ra 3 uchrashuv o‘rin olgandi.

Foto: PFL

Foto: PFL

19-tur doirasida Bekobodda “Metallurg” Farg‘onaning “Neftchi” jamoasini qabul qildi. Uchrashuvning 70-daqiqasida Islom Isoqjonov tomonidan kiritilgan gol mezbonlarning navbatdagi 3 ochkoga ega bo‘lishini, “Neftchi”ning esa galdagi mag‘lubiyatini ta’minladi.

Turning markaziy o‘yinlaridan biri esa Namanganda bo‘lib o‘tdi. “Navbahor” musobaqa peshqadami “Paxtakor”ni o‘z maydonida qabul qildi. O‘yindagi yagona gol ikkinchi bo‘limda kiritildi. Hozirda “Navbahor” safida to‘p surayotgan sobiq “paxtakorchi” Sherzod Karimovning 52-daqiqada jarima zarbasidan uzatgan to‘pini Igor Golban Eldor Suyunov darvozasiga joylab qo‘ydi. Shu tariqa “Navbahor” navbatdagi uch ochkoni qo‘lga kiritdi.

Ta’kidlash joiz, mazkur uchrashuvda bahraynlik Navaf Shukrulla boshchiligidagi hakamlar guruhi ishladi.

Yana bir bellashuv esa Qarshida bo‘lib o‘tdi. Unda “Nasaf” Olmaliqning AGMK jamoasiga qarshi kurash olib bordi. Uchrashuvda hisob ikkinchi bo‘limning 49-daqiqasida AGMK jamoasi futbolchilari tomonidan ochildi. Jasur Hasanovning uzatmasini Muzaffar Muzaffarov golga aylantirdi. 62-daqiqada esa Zohir Pirimov hisobni 0:2 ko‘rinishiga keltirdi. O‘yin shu hisobda yakunlandi. AGMK esa o‘z tarixida ilk bor “Nasaf”ni Qarshida yengishga erishdi.

Pepsi Superliga

19-tur bellashuvlari

28-iyul, shanba

“Metallurg” — “Neftchi” 1:0

Gol: 1:0—70 Islom Isoqjonov.

“Navbahor” — “Paxtakor” 1:0

Gol: 1:0—52 Igor Golban.

“Nasaf” — AGMK 0:2

Gollar: 0:1—49 Muzaffar Muzaffarov, 0:2—62 Zohir Pirimov.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
Markaziy bank raisining kripto-aktivlar bo‘yicha ma’lumoti rad etildi