Chilla Fest — 2018 yozning keng ko‘lamli voqeasiga aylanishi kutilmoqda. 29-iyul kuni toshkentliklar va poytaxt mehmonlarini beshta parkda ommaviy xalq sayillari, Toshkent shahar hokimi vazifasini bajaruvchi Jahongir Ortiqxo‘jayev bilan teleko‘prik, attraksionlar va boshqa ko‘pdan-ko‘p tomoshalar kutmoqda.
Chilla Fest — 2018 shahar festivalini o‘tkazish kunida parklar infratuzilmasi odatdagi rejimda ishlaydi. An’anaviy attraksionlardan tashqari, soat 12:00 dan 20:00 gacha qo‘shimcha axborot-ko‘ngilochar zonalar ishlab turadi. Har bir parkda tashrif buyuruvchilarni quyidagilar kutadi:
- raqs jamoalari va musiqa guruhlarining chiqishlari (“Ko‘k Choy”, “Praym”, Di Live Band, “Sharqoniy Navo”, “Novella”);
- tomoshalarni olib boruvchilarning tanlovlari, raqs fleshmoblari va fokuschilar shoulari;
- ijodiy master-klasslar va feys-artlar;
- hordiq zonalari;
- oilaviy timbildinglar;
- ochiq osmon ostidagi kinoteatrlar;
- bolalar estafetalari (mega-labirintlardan tortib to suvdagi musobaqalargacha);
- kvestlar;
- hajmiy fotozonalar;
- animatorlar va xodulchilar;
- krio-shou;
- qo‘g‘irchoq teatrlari;
- sovrinlar.
- bolalarni qarovsiz qoldirmang, bola har doim ko‘z o‘ngingizda bo‘lsin;
- parkka kirishdan oldin bolani telefonda suratga tushiring. Agar farzandingiz yo‘qolib qolsa, sizda bolaning eng so‘nggi shu yo‘qolgan vaqtidagi kiyimda tushgan surati bo‘ladi;
- bola yo‘qolib qolmasligi uchun unga orqada yurishga ruxsat bermang, uni doim o‘zingizdan oldinda tuting;
- farzandingizga, mabodo adashib qolsa, darhol festival muvofiqlashtiruvchisiga murojaat qilishi zarurligini oldindan tushuntirib qo‘ying. Muvofiqlashtiruvchilarni brendlangan futbolkalaridan bilib olsa bo‘ladi. Yo‘qolgan bolalarni ota-onalari bilan uchrashish uchun ajratilgan maxsus joyga olib kelishadi;
- bolaning cho‘ntagiga o‘z telefon raqamingiz yozilgan qog‘ozchani qo‘yib qo‘ying, festival muvofiqlashtiruvchilari shunda siz bilan osongina ulanishadi.
Eslatib o‘tamiz, Chilla Fest — 2018 Toshkentning quyidagi beshta parklarida bo‘lib o‘tadi: “Lokomotiv”, Central Park, Abdulla Qodiriy nomli, “Anhor-Lokomotiv”, Green Park.
Homiylik va hamkorlik masalalari bo‘yicha +998(71)150-84-84 (ichki raqam 2) orqali murojaat qilishingizni so‘raymiz.
Izoh (0)