Toshkentda 40 nafarga yaqin jurnalist velomarafonda qatnashdi

25-iyun kuni Toshkentda — Matbuot va ommaviy axborot vositalari xodimlari kuni munosabati bilan velomarafon o‘tkazildi, deb yozmoqda O‘zA.

Musobaqa Velosport federatsiyasi tashabbusi bilan tashkil etildi. Unda 40 nafarga yaqin jurnalist ishtirok etdi.

Xotin-qizlar 4 kilometr, erkaklar 6 kilometr masofani bosib o‘tdi.

Xotin-qizlar bahsida Lobar Saidova, Charos G‘ayratova, Aziza Ro‘zimurodova, erkaklar o‘rtasida Okan Karayas, Shahboz Sharopov, Ayubxon Zinnurov g‘olib bo‘ldi.