Bugun,

  • USD 10940.05
  • RUB 182.26
  • EUR 11121.65

Click kompaniyasi O‘zbekiston fuqarolarning biometrik pasportini va fuqaroligi bo‘lmagan shaxslarning harakatlanish hujjatini olish uchun davlat bojini to‘lash imkoni joriy qildi. Bu haqda UZ24 xabar bermoqda.

Foto: “Zamin.uz”

Foto: “Zamin.uz”

O‘zbekiston fuqarolarning biometrik pasportini, fuqaroligi bo‘lmagan shaxslarning harakatlanish hujjatini olish jarayoni bilan bog‘liq bo‘lgan davlat bojini Click tizimi orqali to‘lash imkonining yaratilishi O‘zbekiston aholisining hayotida qo‘shimcha qulayliklarni yaratishga qaratilgan zamonaviy texnologiyalarning tatbiq etish yo‘lidagi qo‘shimcha bir qadamdir.

Ushbu hujjatlarning olishda davlat bojini tez va qulay ravishda to‘lash imkoni vaqtni maksimal ravishda tejab, to‘lov masalasini qo‘shimcha kutishlarsiz hal qilishga yo‘l ochib bermoqda. To‘lov istalgan paytda Click tizimiga ulangan mobil telefondan amalga oshirilishi mumkin. Aholining qulayligi uchun to‘lov turli interfeyslar orqali o‘tkazilishi ko‘zda tutilgan: USSD-so‘rovi, Click Uzbekistan mobil ilovasi yoki Telegram messenjeri orqali.

USSD orqali to‘lash uchun quyidagilardan biri telefondan terilishi lozim:

Biometrik pasport uchun: *880*010188*1*kvitansiya raqami#?

Harakatlanish hujjati uchun (FBSh): *880*010188*2*kvitansiya raqami#?

Click Uzbekistan mobil ilovasi orqali “To‘lovlar” (“Oplata”) bo‘limida “Davlat xizmatlari va GAI” (“Gos.plateji i GAI”), so‘ng “Biopasport” bandini tanlash kerak. Undan keyin boj turini tanlab, ingliz tilidagi harflari bilan kvitansiya raqami kiritilishi lozim. Ma’lumotlar to‘g‘riligini tekshirib, to‘lovni tasdiqlash mumkin.

Telegram-botida “To’lov” bo‘limida “Davlat xizmatlari va GAI”, so‘ng “Biopasport uchun to’lov” bandini tanlash kerak. Undan keyin boj turini tanlab, kvitansiya raqami kiritilishi lozim. Ma’lumotlar to‘g‘riligini tekshirib, to‘lovni tasdiqlash mumkin.

“Hukumatimiz tomonidan belgilanganki, biometrik pasportlarga o‘tish 2018-yil 1-iyulgacha amalga oshirilishi lozim. Shunday qilib, ushbu hujjatlarga davlat bojini tez va qulay to‘lash imkoniyati mavjud bo‘lgan amaliyotlarni soddarlashtirishga va yangi pasport olishni tezlashtirishga qaratilgan. Foydalanuvchilarimizga bu imkoniyat juda ma’qul keladi, degan umiddamiz”, - deb ta’kidladi Click kompaniyasining bosh direktori Ulug‘bek Rustamov.

Izoh
Asosiy yangiliklar
Mahalliy
Samarqandda noqonuniy mayning ferma aniqlandi
Salomatlik
Yutinganda tomoq og‘rib, quloqqa tarqalsa, qanday yo‘l tutish kerak?
Sport
Murodjon Ahmadaliyev IBF kamari uchun himoya jangini o‘tkazadi