“Liverpul” yarim himoyachisi Emre Jan “Yuventus”ga o‘tadi

“Liverpul”ning germaniyalik yarim himoyachisi Emre Jan faoliyatini Turinning “Yuventus” jamoasida davom ettiradi. Bu haqda “Sports.ru” xabar berdi.

24-yoshli Emre Turin superklubi bilan 5 yillik kelishuvga erishgan va tez orada shartnoma imzolanadi. Qayd etilishicha, hozirda shartnomaning hal etilishi lozim bo‘lgan kichik masalalari qolgan, xolos.

Jan “Yuventus”da yiliga 6 million yevro maosh ishlab topadi. Germaniyalik yarim himoyachiga, shuningdek, “Bavariya” hamda PSJ jamoalari ham qiziqish bildirgan edi. Ammo u o‘ziga asosiy tarkibda joy kafolatlashga va’da bergan “Yuventus” foydasiga qaror chiqardi.

Futbolchi ushbu mavsumda 26 ta o‘yinda 3 ta gol urib, 5 ta golli uzatmani amalga oshirdi.