Qishki Olimpiada bellashuvlarida muxlislarning nisbatan katta qiziqishiga sabab bo‘layotgan erkaklar o‘rtasidagi xokkey turnirida yarim final ishtirokchilari aniqlandi.
Olimpiada. Muzga Rossiya bayrog‘i bilan chiqa olmayotgan rossiyalik xokkeychilar AQSh ustidan 4:0 hisobida zafar quchdi
Guruh bosqichida rossiyalik xokkeychilardan 0:4 hisobida yengilgan AQSh termasi o‘tish o‘yinida Slovakiya ustidan 5:1 hisobida zafar quchgandi. Ammo amerikalik shaybachilar yarim final yo‘lida Chexiyaga imkoniyatni boy berib qo‘ydi — 2:3.Ma’lumki, Rossiya xokkeychilari mamlakat bayrog‘i, madhiyasi va nomi ostida muzga chiqa olmayapti. Ular olimpiya o‘yinlarining bayrog‘i ostida musobaqada ishtirok etmoqda. Chorak finalda Norvegiya ustidan 6:1 hisobida zafar quchgan Rossiya xokkeychilari, yarim finalda Chexiyaga qarshi saf tortadi.
Final ostonasidagi ikkinchi juftlikni Germaniya va Kanada xokkeychilari tashkil qildi. Nemislar chorak finalda Shvetsiyani 4:3 hisobida taslim qilgan bo‘lsa, Kanada Finlyandiyaga chiqish eshiklarini ko‘rsatib qo‘ydi — 1:0.
Pxyonchxan Olimpiadasining xokkey turnirida yarim final o‘yinlari 23-fevral kuni bo‘lib o‘tadi.
Izoh (0)