Airbus kompaniyasining bo‘limasi hisoblanuvchi va AQShda faoliyat yurituvchi A³ kompaniyasi uchuvchisiz uchuvchi taksini muvaffaqiyatli tarzda sinovdan o‘tkazdi, deb xabar beradi “Motor”.

Foto: “Motor”

Mazkur turdagi transport vositasini yaratish bo‘yicha loyiha Vahana deb nomlanadi.

Sinov Oregon shtati Pendlton shahrida joylashgan poligonda o‘tkazildi. 31-yanvar kuni apparat besh metr balandlikka ko‘tarilgan va u yerda 53 soniya bo‘lgan. 1-fevral kuni apparatning prototipi ham xuddi shu harakatlarni amalga oshirgan.

Qayd etilishicha, apparat hamma funksiyalarni avtonom rejimda amalga oshirgan. Sinovning keying bosqichida transport vositasi shunchaki havoga ko‘tarilibgina qolmay, balki ma’lum masofani bosib o‘tishi zarur.