Sukerberg 2018-yili Facebook’dagi muammolarni bartaraf etishga urinib ko‘rishini bildirdi

Mark Sukerberg bu yil ijtimoiy tarmoqdagi muammolarni bartaraf etishga urinib ko‘rishini bildirdi. Bu haqda “Gazeta.ru” xabar bermoqda.

Facebook asoschisi ancha vaqtdan beri o‘z oldiga har bir yil uchun maqsad qo‘yib kelayotganini eslatdi.

“Facebook’da ish ko‘p. Hamjamiyatimizni haqorat va nafratdan, boshqa davlatlar aralashuvidan himoya qilish, foydalanuvchilar tarmoqda vaqtini yaxshi o‘tkazishini ta’minlash va hokazo. 2018-yildagi asosiy maqsadim mazkur muhim muammolarni o‘nglashga e’tibor qaratishdan iborat”, — ta’kidladi Sukerberg Facebook’dagi sahifasida.